Երկու օր է կրթահամալիրում են կարճ ժամանակահատվածում ինձ շատ հարազատ դարձած, Ֆրանսիայում կիրակնօրյա հայկական «Մկնիկ» դպրոցի ավագ սաները և դաստիարակները։
Փետրվար ամսի` իմ մեկ շաբաթյա աշխատանքային այցից հետո, անընդհատ կապի մեջ էինք և ամառային արձակուրդների ընթացքում` Հայաստան գալուն պես, հանդիպեցինք առաջին անգամ Մշակույթի նախարարության «Ակունք» ազգագրական երգ ու պարի համույթի մենահամերգին և հետո «Մխիթար Սեբաստացի» կրթահամալիրում։
Կրթահամալիրում շրջայցի առաջին օրը սկսեցինք Մայր դպրոցից, որտեղ «Անակլիայի ճամբար» մեկնող սովորողների ամենօրյա պարապմունքներն էին ընթանում, այնուհետև Արևելք, Քոլեջ, Հյուսիսային դպրոց և Արևմուտքն իր Ագարակով։
Երկրորդ օրն անցկացրինք Կրթահամալիրի Հյուսիսային դպրոցում։ Տաթև Աթոյանի հետ տեխնոլոգիական աշխատանքներ կատարեցինք, այնուհետև երկար ժամանակ անցկացրինք Աթի անունով շնիկի ու իր ութը քոթոթների մոտ, որից հետո «Ամառային ճամբարի» շրջանակներում` լողավազանում հովացող ճամբարականների հետ։
Աննա Երիցյանի բլոգ 