Տոնախմբության ծրագիր. Հոկտեմբերի 28

Անդաստան

Արևելյան կողմն աշխարհի
Խաղաղությո՜ւն թող ըլլա…
Ո՛չ արյուններ, քրտինք հոսին
Լայն երակին մեջ ակոսին.
Ու երբ հնչե կոչնակն ամեն գյուղակի՝
Օրհներգությո՜ւն թող ըլլա:

********************************

Ինչքան աշխարհը սիրես ու աշխարհով հիանաս –

Այնքան աշխարհը անուշ ու ցանկալի կլինի.

Թե ուզում ես չսուզվել ճահճուտները անհունի –

Պիտի աշխարհը սիրես ու աշխարհով հիանաս:

Այնպե՜ս արա, որ կյանքում ո՜չ մի գանգատ չիմանաս,

Խմի՜ր թախիծը հոգու, որպես հրճվանք ու գինի.

Որքան աշխարհը սիրես ու աշխարհով հիանաս –

Այնքան աշխարհը անուշ ու ցանկալի կլինի…

**********************************

ՀՈ՜Յ, ՆԱԶԱՆ

Հո՜յ, Նազան իմ, Նազան իմ,

Ջա՜ն, Նազան իմ, Նազան իմ,

Հո՜յ, Նազան իմ, Նազան իմ,

Ջա՜ն, Նազան իմ, Նազան իմ:

Նազան, դու բարով եկար,

Կանաչ սարերով եկար,

Խոր-խոր ձորերով եկար,

Նազան, դու բարով եկար,

Կանաչ սարերով եկար,

Խոր-խոր ձորերով եկար:

Գարնան սիրուն ծաղիկ ես,

Հո՜յ, Նազան իմ, Նազան իմ,

Ինձ համար աղունակ ես,

Ջա՜ն, Նազան իմ, Նազան իմ:

Գլխիս վրով պտիտ տուր,

Հո՜յ, Նազան իմ, Նազան իմ,

Նախշուն թև թիթեռնիկ ես,

Ջա՜ն, Նազան իմ, Նազան իմ:

Նազան, դու բարով եկար,

Կանաչ սարերով եկար,

Խոր-խոր ձորերով եկար,

Նազան, դու բարով եկար,

Կանաչ սարերով եկար,

Խոր-խոր ձորերով եկար:

 

*******************************

Ինչ որ լավ է՝ վառվում է ու վառում,

Ինչ որ լավ է՝ միշտ վառ կմնա.

Այս արև, այս վառ աշխարհում

Քանի կաս՝ վառվի՛ր ու գնա՛։

Մոխրացի՛ր արևի հրում,

Արևից թող ոչինչ չմնա, —

Այս արև, այս վառ աշխարհում

Քանի կաս՝ վառվի՛ր ու գնա՛։

****************************************

«Մխիթար Սեբաստացի» կրթահամալիրի, Վայրի բնության և մշակութային արժեքների պահպանման հիմնադրամի և ԱրԱվես ՀԿ-ի միջև համաձայնագրի ստորագրում

****************************************

Միասնական պար` Կարնո քոչարի