Հովիկի և Դալարի ծիսական հարսանիքը Աշտարակում

Այսօր` «Մխիթար Սեբաստացի» կրթահամալիրի, Պերճ Պռոշյանի տուն– թանգարանի, Գրականության և արվեստի թանգարանի համատեղ ջանքերով Աշտարակում իրականացվեց Հովիկի և Դալարի իսկական–ծիսական հարսանիքը: Կեսօրին թանգարան էին այցելել կրթահամալիրի Հյուսիսային դպրոցի ճամբարականների խումբը, ովքեր իրենց հարսանեկան պարերգերի շարքով կատարեցին հարսանյաց ծեսի բացումը: Հարսանքավորների և հյուրերի գալուց հետո, մի քանի բառով կրթահամալիրի տնօրեն Աշոտ Բլեյանը և թանգաանի աշխատակցուհի Անի Տոնոյանը ներկայացրին օրվա ծիսակարգը և ըստ դրա էլ տեղի ունեցան Կենաց ծառի գովերքի, հարսի զուգման արարողությունիը, Փեսայի սափրման, զուգման արարողությունը, որից հետո Պռոշյանի տուն-թանգարանի բակում ծիսական– հարսանեկան տոնախմբություն էր: Գործողությունների կենտրոնում «Ակներ» ազգագրական երգ ու պարի համույթն էր, կրթահամալիրի քոլեջում` Մերի Խանջյանի գլխավորությմբ կարված ազգային հանդերձանքով:

Լուսանկարը և ֆոտոպատումը`Նունե Խաչիկօղլյանի

Իրենց ոգևորությունը «Կրկնակի տոն» պատումով ներկայացնում են նաև «Ակներ» խմբի անդամները:

Ուղիղ միացում` Պերճ Պռոշյանի տուն-թանգարանի ֆեյսբուքյան էջից

Ուղիղ միացումը` Գրականության և արվեստի թանգարանի ֆեյսբուքյան էջից