Ապրիլի 11-ին եռօրյա վերապատրաստումների առաջին օրն էր: Արուճի և Թալինի դպրոցներից երաժշտության դասավանդողների հետ կրթահամալիրի Միջին և Ավագ դպրոցներում շրջայցից հետո գնացինք ձայնագրման կենտրոն, որտեղ Սեբաստիո պարի ձայնագրման աշխատաքներն էին ընթանում: Հաջորդ ծանոթությունը ընթերցասրահի հետ էր։ Ընթերցասրահում ներկայացրի այն գրքերը, որոնց նյութերը հիմնականում օգտագործվում են երգեցողության ուսումնական պարապմունքների ժամանակ։ Գրականության ցանկին և ընթերցասրահից օգտվելու կարգին ծանոէանալուց հետո անցանք կրթահամալիրի կայքի ուսումնասիրությանը։ Ամենից շատը վերապատրաստվողների մոտ հետաքրքրություն առաջացրեց մեդիագրադարանի և ձայնադարանի բաժինները։ Երաժշտության ուսումնական կենտրոն բաժինը և բաժնի բլոգները ներկայացնելուց հետո բացեցինք վերապատրաստվողների` Անի Գաբրիելյանի և Նորա Դավթյանի բլոգները։ Բլոգավարության հմտությունների մի մասը ներկայացնելուց հետո սկսեցինք Համբարձման ծեսի և, առհասարակ, կրթահամալրիում ուսումնական ծեսերի իրականացման մեթոդների ուսումնասիրությունները։ Արդյունքում հասցրեցինք սովորել երկու ծիսական պարերգ`Համբարձման-անուշ-գիշեր-է և Վիճակի-երգ։
-
Follow
Following
Already have a WordPress.com account? Log in now.
Աննա Երիցյանի բլոգ 