Զատիկի ծեսը Օշականում. Նախապատրաստական աշխատանքներ

Մայրության և գեղեցկության տոնին​ ուսումնական գեղեցիկ ծրագրով Օշականում ենք։ Վաղը առավոտյան` Օշականցիների հետ իրականացնելու ենք Սբ. Զատկի ծեսը։ 《Արի Օշական》 երիտասարդական նախաձեռնության անդամների հետ այս պահին ընթանում են  վաղվա ծիսական արարողության նախապատրաստական աշխատանքները։

Արև Բալջյանը` մի խումբ Օշականցի սովորողներով, ծառերի զարդարանքներ են պատրաստում և ամրացնում։

Մարինե Մկրտչյանը` մյուս խմբին Զատկական խաղերն է սովորեցնում, Ալեքսանդր Սարգսյանը` Կարնո քոչարի։ Նունե Մովսիսյանը հետևում է նախագծի ընթացքին, ազգային պարերգերի և ծիսական նյութի մեկնաբանության և բացատրությունների բանահյուսական ճշգրտությանը։

 

Ես էլ ծիսական պարերգերն եմ սովորեցնում։

Հանգստի րոպեներին`առիթը բաց չեմ թողնում ու Արև Բալջյանի խմբին միանալով` փորձում ձեռագործության  աշխատանոցին մասնակցել։