Ապրիլի չորսին Խրիմյան Հայրիկի ծննդյան օրն է։ Այսօր առավոտյան ժամը 10-ից Ավագ դպրոցի սովորողների 20 հոգանոց երգող-պարողների խումբը Խրիմյան Հայրիկի անվան թիվ 10 հիմնական դպրոցում էր։
Դպրոցի բակից արդեն սկսվեց ծննդյան տոնը և շարունակվեց մի քանի ժամ դպրոցի հանդիսությունների սրահում` կրթական փոխանակումներով։
《Սովորող սովորեցնեող》նախագծով կազմակերպվեց ազգային մի շարք պարերգերի և հոգևոր երգերի ուսուցում։ Սովորեցինք և ժամեր անց Սուրբ Աննա Եկեղեցու բակում միասնական կատարեցինք Թամզարա, Ախ լոթի Մարան, Ծառ ծաղկեցավ և Բոբիկ ջուր մի էրա պարերգերը։
Հոգևոր առաջնորդի ծննդյանը նվիրված երեք հոգևոր երգով Սուրբ Աննա եկեղեցում աղոթքն առ Աստված ուղղեցին Սեբաստացիներ ուսուցչական երգչախմբի դասավանդողները` Հարություն Թոփիկյանի խմբավարությամբ և վերջում բոլոր ներկաները միացան միասնական շարականների կատարմանը։
Աննա Երիցյանի բլոգ 