Այսօր «Մխիթար Սեբաստացի» կրթահամալիրում վերապատրաստվողների թիմի համար երկրորդ օրն է. այն սկսվեց ազգային երգ ու պարով: Ինձ համար օրվա մեկնարկը մի փոքր տարբերվում էր բոլոր մասնակիցներից, որովհետև ազգային երգ ու պարի մասին տեղեկատվություն ներկաներին հաղորդեցի ես: Պատմեցի որոշ մանրամաներ նաև ծիսական արարողությունների, նրանց առաձնահատկությունների, երգ ու պարերի մասին, այնուհետև գնացիք մարմարե սրահ սովորելու պարեր:
Սկսեցինք սովորել պարել գովնդ՝ «Մըր տան հիդև» ազգային երգը միաժամանակ երգելով: Հիացմունքով պետք է ասեմ, որ այս և բոլոր հաջորդ պարերը վերապատրաստվողները յուրացրեցին շատ արագ:
Պետք է անպայման նշեմ նաև , որ ամբողջ ընթացքում մեզ հետ էր կրթահամալիրի երգ ու պարի տաղանդաշատ և անսահման ջերմեռանդ, երկար տարիների մանկավարժական փորձ ունեցող ուսուցչուհի Մարինե Մկրտչյանը: Նա սովորեցնում էր ազգային պարի կատարման կարևորագույն նրբությունները և հետևում թիմի քրտնաջան աշխատանքին:
Երկրորդ պարը վերվերին էր, իսկ վերջում սովորեցինք պարել թամզարա պարերգը՝ դանդաղ, թռիչքով և ծափերով: Պարը սովորելու ավարտին մեզ միացան կրթահամալիրի կրտսեր ներկայացուցիչները,ովքեր արդեն գիտեին այս պարերգը: Երկու գեղեցիկ շրջանով կատարեցինք այն :
Պարը, մի փոքր կատարողական և ռիթմիկ առումով բարդ էր, քան նախորդ երկու պարերը, բայց ևս մեկ անգամ պետք է ասեմ, որ մասնակիցները մեծ եռանդով աշխատեցին կարճ ժամանակամիջոցում յուրացնել այդ երեք ազգային պարերգերը:
Աննա Երիցյանի բլոգ 